'აბიტურიენტებისთვის გამოცდები სრულიად უსაფრთხოდ ჩატარდება' – ტიკარაძე

„ჩვენ ინტენსიურად ვმუშაობთ განათლების სამინისტროსთან, ისინი რა თქმა უნდა ითვალისწინებენ ყველა იმ რეკომენდაციას, რომელსაც ჩვენ გავცემთ. ვთვლით რომ გამოცდები ჩატარდება სრულიად უსაფრთხოდ ყველა იმ აბიტურიენტისთვის, რომელიც წელს აპირებს გამოცდებში მონაწილეობის მიღებას“, - ამბობს მინისტრი.

მისივე თქმით, დღევანდელი ეპიდემიოლოგიური მდგომარეობიდან გამომდინარე სასწავლო პროცესის გადაწევა არ იგეგმება.

„დღევანდელი ეპიდემიოლოგიური მდგომარეობიდან გამომდინარე ჩვენ არ ვთვლით რომ სასწავლო პროცესი შეიძლება გადიწიოს, თუმცა რა თქმა უნდა, ვემზადებით როგორც სხვა ქვეყნები, იმისთვის, რომ ჩვენ როგორც ახლა ასევე სექტემბერში მოგვიწევს კოვიდთან ერთად თანაცხოვრება და შესაბამისად ჩვენი შვილებიც უნდა მოვამზადოთ ამ პროცესებისთვის, რათა მათ შეძლონ შეუფერხებლად განაგრძონ სწავლა“, - ამბობს ტიკარაძე.

[მარიამ ბარძიმაძე, ახალციხე]