სასწავლო პროცესი 15 ივნისს დასრულდება – გახარია

„საქართველოში სასწავლო წელი დისტანციურად, ონლაინ ტელესკოლის საშუალებით ჩატარდა, ჩვეულებრივად, ნორმალურ რეჟიმში. მე–12 კლასელები სასწავლო წელს დაასრულებენ 20 მაისს, 1–ელ კლასელები 27 მაისს, დანარჩენი მოსწავლეები - 15 ივნისს.

ამასთან ერთად, მინდა გითხრათ, რომ ეროვნული გამოცდები ჩატარდება ჩვეულ რეჟიმში და მათი თარიღი გამოცხადდება, როგორც ყოველთვის ივნისში“, – განაცხადა გიორგი გახარიამ.

საქართველოს სკოლებში სწავლების პროცესი 4 მარტს შეწყდა. პრემიერ-მინისტრმა კიდევ ერთხელ აღნიშნა, რომ 2019–2020 სასწავლო წლები აკადემიურ წლად არ გამოცხადდება.

[ნუკა სტეფნაძე]