Կբացվեն բաց տիպի ագրարային շուկաները, - ի՞նչ այլ սահմանափակումներ կհանվեն ապրիլի 27-ից

Վարչապետի խոսքով ՝ ապրիլի 27-ից թույլատրվելու է.

• Թեթև մարդատար ավտոմեքենաների, ներառյալ տաքսիների տեղաշարժը
• Մեծածախ և մանրածախ առցանց առևտուրը
• Առաքման ծառայությունները, ցանկացած ապրանքի
• Բաց տիպի ագրարային շուկաների գործունեությունը:

Վեց կետից բաղկացած գործողությունների ծրագրի համաձայն, անհայտ է.

• Ե՞րբ կվերացվի պարետային ժամը
• Ե՞րբ է վերականգնվելու քաղաքային տրանսպորտը
• Ե՞րբ է վերականգնվելու օդային երթևեկությունը
• Ե՞րբ հնարավոր կլինի վերսկսել պլանավորված գործողությունները:

Հայտնի չէ նաև, թե երբ կվերացվի մեծ քաղաքների ՝ Թբիլիսիի, Քութաիսիի, Բաթումիի նկատմամբ կիրառված սահմանափակումները: Բացի այդ, միջքաղաքային երթևեկությունը, որպես բացառություն, երկու օրվա ընթացքում թույլատրվելու է, ապրիլի 27-ին և 28-ին:

Վարչապետի խոսքով ՝ վեց կետից բաղկացած ծրագրի հաջորդ փուլերը կիրականացվեն, եթե համաճարակաբանական իրավիճակը չի վատթարանա:

Այսօր ՝ ապրիլի 24-ին, Վրաստանի կառավարությունը ներկայացրեց հակաճգնաժամային ծրագիր, որի համաձայն ՝ տնտեսության կառավարման համար նախատեսվում է ծախսել 3,5 միլիարդ:

[Ռիմա Սարուխանյան, Ախալցիխե]