ეკლესიებში გარდამოხსნის რიტუალი შესრულდა [ფოტო]

გარდამოხსნის რიტუალი დღეს, 17 აპრილს 14:00 საათზე, ახალციხის ამაღლების ტაძარში შესრულდა.

დიდი პარასკევის სერობა მაცხოვრის ჯვრიდან გარდამოხსნასა და დასაფლავებას ეძღვნება და ჩვეულებრივ, შუადღის ორ საათზე აღევლინება, რადგან იესო ქრისტე ჯვარზე სწორედ ამ დროს მიიცვალა.

წითელ პარასკევს ტაძრებში წირვა არ აღესრულება, რადგან სახარების თანახმად, ამ დღეს ადამიანთა ცოდვებისგან გამოსახსნელად უფალმა საკუთარი თავი მსხვერპლად შესწირა. ამ დღეს მორწმუნეები კვერცხებს წითლად ღებავენ და პასკას აცხობენ. წითელი კვერცხის მსგავსად პასკასაც რელიგიური დატვირთვა აქვს. უფლის ჯვარცმა იუდეველთა პასექის დღესასწაულზე მოხდა.

საღმრთო ლიტუგიას მრევლთან ერთად სამართალდამცველებიც ესწრებოდნენ.

მორწმუნეები აცხადებენ, რომ სოციალურ დისტანციას იცავენ. მათი თქმით, მიუხედავად გამოცხადებული „კომენდანტის საათისა“ აღდგომის ღამეს ეკლესიაში მაიც წავლენ: „პლედებს და თბილ ტანსაცმელს წავიღებთ. წესებს არ დავარღვევთ“.






[მარიამ ბარძიმაძე,ახალციხე]