'ერი იქნება თუ ბერი, დავიჭიროთ ფიზიკური დისტანცია' - რატიანი

„დადგება მომენტი, როდესაც ექიმი ქვეყანას არ ეყოლება, ჩვენც ადამიანები ვართ, ჩვენც გვაქვს რესურსი. ყველას უნდა ვთხოვო, ეს იქნება ერი თუ ბერი, დავიჭიროთ ფიზიკური დისტანცია. სამი შვილი მყავს და თვენახევარია ოჯახის არც ერთი წევრი არ მინახავს. განა არ მენატრება, მაგრამ ეს ცხოვრება დაგვიდგა. უნდა დავცილდეთ ერთმანეთს, რომ გადავრჩეთ. ვერ წარმოუდგენიათ ადამიანებს, რა ხდება რეანიმაციაში, როგორ იხრჩობიან ადამიანები, იმიტომ, რომ ოჯახის წევრები ერთმანეთს არ გაუფრთხილდენ. ახალგაზრდები თვითონ გამოძვრნენ, მაგრამ ასაკიანი ადამიანები მიჯაჭვულები არიან ფილტვის ვენტილაციაზე. იხრჩობა ადამიანი და ამ ხრჩობის ყურება ძალიან რთულია ჩვენთვისაც. ნუ გაგვიკეთებთ იმას, რომ ჩვენც დავიხოცოთ. სახლში ყოფნისას წყალი, ჩაი ერთმანეთის პირისპირ არ უნდა დავლიოთ“,- განაცხადა რატიანმა.

მისივე თქმით, ამ ეტაპზე გკლინიკაში 78 პაციენტია, რეამინაციაში 9.

47-ს მწვავე პნევმონია, სუნთქვის მწვავე უკამრისობა აქვს.

16 აპრილის, 12:00 საათის მონაცემებით, საქართველოში კორონავირუსის გავრცელების სტატისტიკა ასეთია:

• კორონავირუსის დადასტურებული შემთხვევა - 336
- მათ შორის გამოჯანმრთელებული - 74
- მათ შორის გარდაცვლილი - 3
• კარანტინის რეჟიმში - 5000
• სტაციონარში მეთვალყურეობის ქვეშ - 494
• *უცხოეთიდან სამკურნალოდ გადმოყვანილი საქართველოს მოქალაქეები - 3

[რიმა სარუხანიან, ახალციხე]