ახალქალაქში სოფელ არაგვას ტყეში ხანძარია

ცეცხლი დღეს, 15 აპრილს გაჩნდა. 19:00 საათიდან ადგილზე მეხანძრე-მაშველები მუშაობენ.

ხანძრის შესახებ ინფორმაციას სააგენტო jnews.ge ავრცელებს.

„ხანძარი ტყის ქვედა საფარზე გავრცელდა“, - აცხადებენ საგანგებო სიტუაციების მართვის სამსახურში.

მათივე ინფორმაციით, ცეცხლი თავდაპირველად ტყესთან არსებულ საძოვრებზე ხმელ ბალახს მოეკიდა, შემდეგ კი ტყეზე გადავიდა.

15 აპრილს, სამცხე-ჯავახეთში ეს უკვე მესამე ხანძრია.

შუადღით, ცეცხლი ასპინძაში, სოფელ ფიასთან გაჩნდა. საღამოს, ახალციხეში, რკინიგზის ლიანდაგის „შპალები“ დაიწვა. ახლა კი ცეცხლი ახალქალქში, ტყეში ვრცელდება.

[რობი ზარიძე, ახალქალაქი]