რუსეთში ინფიცირებულთა რიცხვმა 10 000-ს გადააჭარბა

გასული დღე–ღამის განმავლობაში რუსეთში კორონავირუსის შემთხვევათა რიცხვი 1 459–ით გაიზარდა და 10 131 გახდა. გარდაცვლილია 76, ხოლო გამოჯანმრთელებულია 698 პაციენტი.

ქვეყნის მასშტაბით ინფიცირებულთა ნახევარზე მეტი – 5 841 ადამიანი მოსკოვშია.

ჯანდაცვის სამინისტროს განცხადებით, ერთ დღეში 13 ადამიანი გარდაიცვალა და 118 ადამიანი გამოჯანმრთელდა.

ქვეყანაში დღემდე 1 004 719 ტესტირებაა ჩატარებული. რუსეთის 89 რეგიონში კორონავირუსული ინფექციის სულ 10 131 შემთხვევაა დაფიქსირებული.

რუსეთში პირველი ორი შემთხვევა 31 იანვარს დაფიქსირდა. ორივე პაციენტი ჩინეთის მოქალაქე იყო.

[რიმა სარუხანიან, ახალციხე]