კორონავირუსული ინფექციის 954 ახალი შემთხვევა დადასტურდა რუსეთში

დაინფიცირებულთა უმეტესი რაოდენობა დედაქალაქშია. 954 ახალია შემთხვევიდან 591 მოსკოვშია დაფიქსირებული. ინფორმაციას ქვეყნის ჯანდაცვის უწყება ავრცელებს.

კორონავირუსის გავრცელების გამო, რუსეთის უმეტეს რეგიონებში თვითიზოლაციის რეჟიმია გამოცხადებული.

ეს საშუალებას აძლევს მოქალაქეებს გავიდნენ სახლიდან მხოლოდ სამუშაოდ, უახლოეს მაღაზიაში, გაიტანონ საყოფაცხოვრებო ნარჩენები, ან შინაური ცხოველები გაასეირნონ.

დღემდე 697 001 ტესტია ჩატარებული, აქედან დადებითი აღმოჩნდა, ანუ კორონავირუსი დადასტურდა 6343 შემთხვევაში.
გამოჯამრთელებულია 406 ადამიანი, გარდაიცვალა – 47.

რუსეთში პირველი ორი შემთხვევა 31 იანვარს დაფიქსირდა. ორივე პაციენტი ჩინეთის მოქალაქე იყო.

[რიმა სარუხანიან, ახალციხე]