კორონავირუსით ნიუ–იორკში 64 წლის ქართველი გარდაიცვალა

დაავადებათა კონტროლის ეროვნული ცენტრის დირექტორის მოადგილის, პაატა იმნაძის განმარტებით, გარდაცვლილი საქართველოს მოქალაქე 64 წლის იყო და ნიუ–იორკში ცხოვრობდა.

„საგარეო საქმეთა სამინისტრო და საელჩო ოჯახთან არიან კავშირზე, ისევე როგორც წინა შემთხვევაში, რომელიც ესპანეთში დაფიქსირდა, ორივე შემთხვევაში აქ იყო გარდა კოვიდისა, თანმხლები სხვა ქრონიკული დაავადებები“, – განაცხადა პაატა იმნაძემ.

საქართველოში ამ დროისთვის 110 შემთხვევაა დაფიქსირებული, ვირუსისგან 21 ადამიანი განიკურნა კარანტინის რეჟიმში 4 995 ადამიანი იმყოფება, სტაციონარში მეთვალყურეობის ქვეშ კი 278.

[რობი ზარიძე, ახალციხე]