21 მარტიდან საქართველოში ავიამიმოსვლა სრულად შეწყდება

„მიღებულ იქნა გადაწყვეტილება, რომ ხვალიდან სრულად წყდება საჰაერო მიმოსვლა და განხორციელდება მხოლოდ ის ავიარეისები, რომელიც არის წარმოებული საქართველოს ავიახაზების მიერ და არის კოორდინაციაში საქართველოს მთავრობასთან” – ამბობს ჩიქოვანი.

ამასთან, საზღვარგარეთიდან როგორც საჰაერო, ისე სახმელეთო გზით დაბრუნებული საქართველოს ყველა მოქალაქე კარანტინში განთავსდება. ამ მიზნით, პრემიერ-მინისტრის დავალებით, ლარსის, წითელი ხიდისა და სარფის სასაზღვრო-გამშვები პუნქტების მიმდებარედ, დამატებითი საკარანტინო სივრცეები მოეწყობა, რაც მთავრობას საშუალებას მისცემს, უკეთესად მართოს ვითარება.

ცნობისთვის, საქართველომ 18 მარტიდან ორი კვირით ჩაკეტა საზღვარი უცხო ქვეყნის მოქალაქეებისთვის. დღეიდან, 20 მარტიდან სასაზღვრო პოლიცია საზღვრის დაცვის გაძლიერებულ რეჟიმზე გადავიდა.

[sknews.]