შსს: საზღვრებსა და აეროპორტებში უსაფრთხოების ზომები სისტემატურად ტარდება

"შსს-ს საპატრულო პოლიცია, საზოგადოებრივი უსაფრთხოების უზრუნველყოფის მიზნით, აკონტროლებს სასაზღვრო გამშვებ პუნქტებს ქვეყნის საზღვრებსა და აეროპორტებში. საკონტროლო-გამტარი პუნქტების მუშაობა აეროპორტებში, სახმელეთო და საზღვაო საზღვრებზე არსებული ტექნოლოგიური და ადამიანური რესურსების სრული და ეფექტური გამოყენებით მიმდინარეობს.

საქართველოს სახელმწიფო სახმელეთო საზღვრის დაცვისა და სასაზღვრო კონტროლის განხორციელების მიზნით, სასაზღვრო პოლიციის პირადი შემადგენლობა სრულ მზადყოფნაშია. შსს-ს სასაზღვრო პოლიცია მაქსიმალურად აკონტროლებს სახელმწიფო საზღვრის ე.წ. მწვანე ზოლს", - ნათქვამია საქართველოს შინაგან საქმეთა სამინისტროში.

შეგახსენებთ, გუშინ, 28 ივნისს, სტამბულის ათათურქის აეროპორტში მომხდარი აფეთქებებისა და სროლის შედეგად, ბოლო ინფორმაციით, დაღუპულია 36 და დაშავებულია 147 ადამიანი.

[sknews.ge]