2019 წელს ბორჯომის მუზეუმს 3 550 დამთვალიერებელი ესტუმრა

2019 წელს ბორჯომის მხარეთმცოდნეობის მუზეუმს ყველაზე მეტი დამთვალიერებელი რუსეთიდან, უკრაინიდან, ამერიკიდან და პოლონეთიდან ესტუმრა.

„უფასოდ მოვემსახურეთ სოციალურად დაუცველებს, იძულებით გადაადგილებულ პირებს, ომის ვეტერანებს და შშმ პირებს, ჯამში 499 ვიზიტორს“, – აცხადებენ მუზეუმის ადმინისტრაციაში.

მათი განმარტებით, მუზეუმს ყველაზე მეტი დამთვალიერებელი მაისში, ივნისში და აგვისტოში ესტუმრა.

გაყიდული ბილეთებიდან და სუვენირებიდან მუზეუმმა 2019 წელს 13 073 ლარის შემოსავალი მიიღო.

[ნუკა სტეფნაძე, ბორჯომი]