ახალციხის საკრებულოში 13 240 ლარის ჯილდო გაიცა

ახალციხის საკრებულოში 2019 წლის აგვისტოში ფულადი ჯილდო, თანამდებობრივი სარგოს 70%–ის ოდენობით, 12 თანამშრომელზე გაიცა, ჯამში 7 140 ლარი.

ხოლო დეკემბერში, იმავე ოდენობის თანამშრომელს ჯილდო თანამდებობრივი სარგოს 50%–ის ოდენობით დაერიცხა – ჯამში 5 500 ლარი.

ასევე, ახალციხის საკრებულოში 2019 წლის პირველი იანვრიდან 31 მარტის ჩათვლით, დანამატი ეძლეოდა მხოლოდ ერთ თანამშრომელს, მეორე კატეგორიის უფროს სპეციალისტს წერილებისა და კადრების საკითხებში.

საკრებულოში აცხადებენ, რომ ფულადი ჯილდო 300 ლარის ოდენობით, ორჯერ გაიცა, რადგან ამ პერიოდის განმავლობაში უფროსი სპეციალისტი იმ თანამშრომლის მოვალეობას ითავსებდა, რომელიც ამ დროს სამსახურში არ იმყოფებოდა.

სულ 2019 წელს, ახალციხის მუნიციპალიტეტის საკრებულოში, 12 თანამშრომელზე, 13 240 ლარის ოდენობის ჯილდო გაიცა.

[ნუკა სტეფნაძე, ახალციხე]