საახალწლო ბაზარი - რა ღირს პროდუქტი ახალციხის ბაზარში

საახალწლო პროდუქტი, როგორც ბაზრის შენობაში ისე მიმდებარე ტერიტორიაზე იყიდება. გამყიდველები ამბობენ, რომ პროდუქტზე ფასები საგრძნობლად არის გაზრდილი.

„სკუმბრია წინა წელს ექვსი ლარი ღირდა და ახლა ცხრა ღირს, მოიმატა აბა რა ქნა“, - ამბობს ბაზარში თევზის გამყიდველი და ამატებს, რომ ახალწლამდე ორი დღით ადრე ფასები კიდევ აიწევს.

მომატებულ ფასებზე საუბრობენ მყიდველებიც.

„საშინელი ფასებია, ცოტა ხნის წინ მოვედი და არც ისე ბევრი რამ ვიყიდე, თუმცა 300 ლარი გადავიხადე. მე ვმუშაობ და შემიძლია რომ ვიყიდო, სამსახური ვისაც არ აქვს, ისინი ახალ წელს როგორ გაითენებენ არ ვიცი“,- ამბობს ია მამულაშილი.

„ნაწილ პროდუქტებზე არის ფასები მომატებული. მე საახალწლოდ 300-350 ლარი მაინც მჭირდება, რომ სუფრა გავშალო. ამას გარდა პიროტექნიკა, ბავშვების საჩუქრები და ა.შ. მახსოვს წლები, მაგალითად შარშანწინ ბანანში შვიდი ლარი გადავიხადე“, - ამბობს მარიამ ზაზაძე.

ბაზრის ტერიტორიაზე ხორცი რამდენიმე ადგილზე იყიდება და ყველგან განსხვავებული ფასი აქვს.

გთავაზობთ პროდუქტების ფასების ჩამონათვალს:

ხორცის პროდუქტები:

საქონლის ხორცი - 15-18 ლარი;

ღორის ხორცი - 12-15 ლარი;

გოჭი – 10 კგ. 180 ლარი;

კალმახი - 13 ლარი;

გაყინული თევზი - 7–9 ლარი;

გაყინული ქათამი - 6,50-7,50 ლარი;

ცოცხალი ქათამი - 18-20 ლარი;

სუჯუხი - 10 ლარი;

ბასტურმა -14 ლარი;

ყველი-9-11 ლარი;

ხილ-ბოსტნეული:

მწვანილი - 1 კგ. 5 ლარი;

პომიდორი - 4 ლარი;

კიტრი - 4 ლარი;

კომბოსტო - 50 ლარი

ბოლოკი - 1.50 ლარი

ბულგარული - 6 ლარი;

ყურძენი - 4-5 ლარი;

ვაშლი - 1,5-3 ლარი;

მანდარინი -1,50 – 3 ლარი;

კივი - 3 ლარი;

ფორთოხალი - 3 ლარი;

ანანასი -10–15 ლარი;

ბანანი - 4 ლარი;

თავფლი 15-18 ლარი;

თხილი-10 ლარი;

გარჩეული ნიგოზი-20-22 ლარი;







[მარიამ ბარძიმაძე, ახალციხე]