სამცხე–ჯავახეთის ხუთ მუნიციპალიტეტში მთავრ ნაძვის ხეს აანთებენ

ახალციხის ცენტრალურ პარკში, 16 მეტრიან ნაძვის ხეს 19:00 საათზე, ანსამბლ "მესხეთის" სიმღერის ფონზე აანთებენ. საზეიმო კონცერტი კი ხვალ, 26 დეკემბერს, 17:00 საათზე დაიწყება.

ახალქალაქში საახალწლო ნაძვის ხის ანთების ღონისძიება, მაშტოცის მოედანზე 18:00 საათიდან მიმდინარეობს.

18:00 საათზე დაიწყო საზეიმო ღონისძიება ადიგენშიც. დაბის ცენტრში, ნაძვის ხესთან, ადიგენის საბავშვო ბაღების აღსაზრდელები წარმოდგენას გამართავენ.

დღესვე, კულტურის ცენტრის ეზოში, საზეიმოდ განათდება საახალწლო ნაძვის ხე ნინოწმინდაშიც. ღონისძიება 20:00 საათზე დაიწყება.

ნაძვის ხეს გაანათებენ ბორჯომშიც, თუმცა საზეიმო ღონისძიება ახალციხის მსგავსად, აქაც 27 დეკემბერს გაიმართება.

ასპინძას წელს საახალწლო ნაძვის ხე არ ექნება,მუნიციპალიტეტის მერიაში ამბობენ, რომ მცირე ბიუჯეტი აქვთ, ამიტომ უპირატესობა სოციალური პროგრამების დაფინანსებას მიანიჭეს.

[ნუკა სტეფნაძე, ახალციხე]