მესხეთი თემურ ყვითელაშვილს უმასპინძლებს

სოლო კონცერტი მესხეთის პროფესიულ დრამატულ თეატრში გაიმართება. აქვე შედგება მისი სიმღერების ალბომის პრეზენტაციაც.

„ახალციხე ჩემთვის არის ერთ-ერთი განსაკუთრებული ქალაქი. პირველ რიგში იმიტომ, რომ ჩემმა მშობლებმა ცხოვრების დიდი ნაწილი აქ გაატარეს. ვფიქრობ, რომ თბილისის შემდეგ ჩემი ახალი ალბომის პრეზენტაცია და კონცერტი ამ ქალაქში უნდა გაიმართოს, რადგან ახალციხე ჩემთვის ყველაზე ახლობელი და მშობლიური ქალაქია“, - ამბობს ყვითელაშვილი.

კონცერტზე, ყვითელაშვილის ძველ კომპოზიციებთან ერთად, 11 ახალი სიმღერა შესრულდება. ბილეთის ფასი 10 ლარი იქნება. კონცერტზე, სიმბოლურ ფასად, მისი ალბომიც გაიყიდება.

ყვითელაშვილის თქმით, ამ ალბომშია შესული მისი ერთერთი კომპიზიცია“ჰერიო ბიჭებო“, რომელიც ყვითელაშვილმა პირველად ახალციხეში 2013 წლის 1 ივლისს, „ახალციხელობის“ დღესასწაულზე შეასრულა. ალბომის პრეზენტაცია 7 ოქტომბერს თბილისში შედგა.

[თინათინ ზაზაძე,ახალციხე]