როგორ ემზადება ახალციხის თოჯინების თეატრი საახალწლოდ

15 და 16 დეკემბერს თეატრის პატარა მაყურებელი „ნახერხის რაინდებს“ ნახავს.

„ჩვენი მსახიობები ემზადებიან პრემიერისთვის „ნახერხის რაინდები“. სპექტაკლის შემდეგ უკვე დაიწყება ერთგვარი კორპორატიული შეთავაზება სკოლის მოსწავლეებისთვის და ბაღის აღსაზრდელებისთვის, 17 დეკემბრიდან, ყოველდღე ჩვენი მაყურებლისთვის სხვადასხვა ღონისძიებას გავმართავთ“,– ამბობს ახალციხის თოჯინების თეატრის სამხატვრო ხელმძღვანელი, ვახო ქორიძე.

მისივე თქმით, 25 დეკემბერს თოჯინების თეატრის ფოიეში ახალციხის მეშვიდე საჯარო სკოლის მოსწავლეების ნამუშევრებს გამოფენენ. ასევე გაიმართება სპექტაკლიც.

„25 დეკემბერს ახალციხის თოჯინების თეატრი კიდევ ერთ სპექტაკლს შესთავაზებს თავის მაყურებელს, რომელიც ახალციხის მეხუთე და მეშვიდე საჯარო სკოლების მოწავლეებმა მოამზადეს. სპექტაკლი „ყინულის დედოფალი“ შარშანაც გვქონდა და წელსაც იქნება“,– ამბობს ვახო ქორიძე.

[ნუკა სტეფნაძე, ახალციხე]