ახალქალაქში ავარიის შედეგად დაშავებული ორი არასრულწლოვანი თბილისში გადაიყვანეს

„ორივეს მდგომარეობა დამაკმაყოფილებელია. ბავშვთა ტრავმატოლოგის კონსულტაციაა საჭირო, ამიტომ გადაიყვანეს ტრავმატოლოგიურ განყოფილებაში", – ამბობს ახალქალაქის რეფერალური ჰოსპიტალის დირექტორი ალექსანდრე თოროსიანი.

ავტოსაგზაო შემთხვევა ახალქალაქი–ვაჩიანის გზაზე 29 ნოემბერს მოხდა. შემთხვევის შედეგად სამი არასრულწლოვანი დაშავდა, რომლებიც ახალქალაქის კლინიკაში გადაიყვანეს, აქედან ერთი მალევე გაწერეს, ორი კი ამ დრომდე კლინიკაში რჩება.

[sknews.ge]