გადამწყვეტი მატჩი - დარჩება თუ არა ‘ბორჯომი’ მესამე ლიგაში

მესამე ლიგის ბოლო, 36-ე ტურის მატჩები 29 ნოემბერს გაიმართება. ამ დღეს გადაწყდება მომავალ სეზონზე ბორჯომის ბედიც - გადაინაცვლებს უფრო დაბალ, მეოთხე ლიგაში თუ ამავე ტურნირში გააგრძელებს ასპარეზობას.

ბოლო ტურის მატჩები ასე გამოიყურება:

სამგურალი : ბორჯომი
მერანი : ბეთლემი
საბურთალო 2 : ბახმარო
ხობი : მეშახტე
გორი : არაგვი

იმისთვის, რომ „ბორჯომმა“ მესამე ლიგაში ადგილი უპირობოდ შეინარჩუნოს, „სამგურალს“ უნდა მოუგოს. თუ კლუბი „სამგურალთან“ ქულებს დაკარგავს, მის ბედს „გორის“, „ბეთლემისა“ და „მეშახტის“ მატჩები გადაწყვეტს: თუ ბოლო ტურში ამ სამიდან ორი გუნდი მოიგებს, „ბორჯომი“ მესამე ლიგიდან გავარდება.

ამჟამად, სამცხე-ჯავახეთის ყველაზე წარმატებულ საფეხბურთო კლუბ ‘ბორჯომს’ 12 მოგებით, სამი ფრედ გამართული მატჩითა და ოცი წაგებით, 39 ქულა აქვს და მეშვიდე ადგილს იკავებს.

[რობი ზარიძე, ახალციხე]