‘არ დავუთმობ ნაცებს ჩვენს წამებას, თუნდაც ეს სისხლის ფასად დამიჯდეს!’ - ზურა ხაჩიძე

თბილისში, რუსთაველის გამზირზე მიმდინარე მოვლენებს გუბერნატორის მოადგილე გამოეხმაურა: „ამათი მოსვლა უნდა ხალხს?! წარმოდგენა თუ გაქვთ ქვეყანაში რას დაატრიალებენ?! თუ გგონიათ, რომ რამეს ან ვინმეს დაინდობენ, ძალიან ცდებით. მე ისიც მეეჭვება, რომ ხალხი, ვინც ამათ ვებრძოდით წლების მანძილზე (ანუ უმრავლესობა და არა მათი 2000 კაცი, ვინც მათ ზურგს უმაგრებს დღეს) საპროტესტო აქციებით დაუპირისპირდებით, ან შიშველი ხელებით“.

ხაჩიძე მიიჩნევს, „ნაციონალური მოძრაობა“ ხელისუფლებაში დაბრუნდება, კიდევ ერთხელ განაახლებს 90-იანების შეიარაღებულ დაპირისპირებას: „მე ბევრისგან მსმენია, რას აპირებს ხალხი აქეთ მხარეს და მონაგონი იქნება ის, რაც გვახსოვს წლების წინ სამოქალაქო, შეიარაღებული დაპირისპირება რუსთაველზე!!! (ღმერთმა დაგვიფაროს ან ღმერთმა ნუ ქნას, რომ ამ უღმერთოებმა ხელში ჩაიგდონ ხელისუფლების რომელიმე შტო) მე პირადად თავს შევაკლავ, ესენი თუ დაბრუნდნენ! აი, ახალგაზრდებო რა ხდებოდა იმ ავბედით წლებში! კარგად ნახეთ! მე პირდად, არ დავუთმობ ნაცებს ჩვენს წამებას, თუნდაც ეს სისხლის ფასად დამიჯდეს!“, - წერს ზურა ხაჩიძე.

პროპორციულ სისტემაზე გადასვლის კანონპროექტის ჩაგდების გამო, მეექვსე დღეა პარლამენტის შენობის წინ აქციები იმართება. გუშინ, 18 ნოემბერს სპეცრაზმმა წყლის ჭავლით დაშალა აქცია და საკანონმდებლო ორგანოს ბლოკირებული შესასვლელები გაათავისუფლა.

შინაგან საქმეთა სამინისტრომ პოლიციისადმი წინააღმდეგობის გაწევისა და ხულიგნობის ბრალდებით 37 პირი დააკავა. რუსთაველის გამზირზე დაშავდა აქციის ოთხი მონაწილე და ორი სამართალდამცველი.

[თაკო ფეიქრიშვილი, ახალციხე]