ხუთი მოგება ზედიზედ - ‘თორმა’ ძალები აღიდგინა

რეგიონული ლიგის მე-15 ტურში, „თორმა“ პრინციპულ მეტოქეს, მეოთხეადგილოსან გუნდს, “ცხუმს“ დამაჯერებელი სხვაობით, 3:1 სძლია, რითაც მოგების ხუთმატჩიანი სერია დააგროვა და სატურნირო ცხრილის მეორე ადგილზე გადაინაცვლა.

მანამდე, მე–14-ე ტურში თორმა „დინამო სოხუმს“, რომელიც ამ დროისთვის მესამე ადგილს იკავებს, 4:3 მოუგო.

„განსაკუთრებით დაძაბული მატჩი იყო „დინამო სოხუმთან“, პირველ ტაიმს ვაგებდით, თუმცა ჩვენმა ბიჭებმა ძალები არ დაზოგეს და ეს პრინციპული მატჩიც მოვიგეთ“ - ამბობს თორის მეკარე ლექსო ოქრომელიძე.

შემდეგი მატჩი „თორს“ ტურნირის მეექვსეადგილოსან გუნდ „ჰერეთთან“ აქვს .

ასევე ტურნირზე მონაწილეობს სამცხე-ჯავახეთის კიდევ ერთი გუნდი „მესხეთი“, რომელიც ტურნირის აუტსაიდერებს შორის, 16 ქულით მეშვიდე ადგილზე იმყოფება.

ტურნირის განმავლობაში თორს 14 მატჩიდან ცხრა მოგება ერთი ფრე და ოთხი წაგება აქვს. პირველადგილოსან გუნდს კი რვა ქულით ჩამორჩება.

[რობი ზარიძე, ბორჯომი ]