პირველი იანვრიდან დეკრეტული შვებულების დღეები და ანაზღაურება გაიზრდება

"შრომის კოდექსში" შესული ცვლილებების თანახმად, ორსულობის, მშობიარობისა და ბავშვის მოვლის გამო, შვებულება 477-დან 730 კალენდარულ დღემდე
გაიზარდა. გარდა ამისა, თუ აქამდე, ანაზღაურებადი 126 დღე იყო, ახლა ანაზღაურებადი 183 კალენდარული დღეა. ხოლო მშობიარობის გართულების, ან ტყუპის შობის შემთხვევაში - 140 დღის ნაცვლად, ანაზრაურებადი 200 დღე გახდა.

რაც შეეხება დეკრეტული შვებულების ანაზღაურების ოდენობას, თუკი დღევანდელი მდგომარეობით 126 დღე 600 ლარის ოდენობით თანხით ანაზღაურდება, 1 იანვრიდან 183 დღე 1000 ლარით აუნაზღაურდებათ.

ცვლილებებია ბავშვის შვილად აყვანის შემთხვევებშიც. მოქალაქე, რომელიც ერთ წლამდე პატარას იშვილებს, შვებულებით 550 დღე ისარგებლებს. ანაზღაურებადი კი 70-ის ნაცვლად 90 კალენდარული დღე ხდება.
ამ ცვლილებებისთვის ბიუჯეტში 3,436,800 ლარია გათვალისწინებული.

[sknews.ge]