ვის ეზრდება ხელფასი 2020 წლიდან – გიორგი გახარიას დაპირება

გიორგი გახარიას თქმით, სრულ განაკვეთზე მყოფი მასწავლებლების ანაზღაურება იზრდება როგორც მიმდინარე, ასევე, მომავალი სასწავლო წლის განმავლობაში, რაც ნიშნავს, რომ 2020 წლის სასწავლო წლისთვის მასწავლებლების ხელფასი გაიზრდება 300 ლარით.

ასევე, 2020 წლის სასწავლო წლისთვის საბავშვო ბაღების მასწავლებლების ხელფასები გაიზრდება 100 ლარით.

“გაგრძელდება ხელფასების მატება სამართალდამცველების, ჯარისკაცებისა და მათთან გათანაბრებული პირებისთვის და სახელმწიფო თავისი ვალდებულებების ფარგლებში მათ ხელფასს გაუზრდის მინიმუმ 125 ლარით”, – განაცხადა გიორგი გახარიამ.

მისივე თქმით, 2020 წლის პირველი ივლისიდან 100 ლარით გაიზრდება სოფლის ექიმების ხელფასები.

“ყველას გვესმის, რომ ეს არის ის აუცილებელი მინიმუმი, რომლითაც ჩვენ აუცილებლად უნდა დავეხმაროთ ჩვენს მოქალაქეებს, პირველ რიგში, იმ სოციალურ ჯგუფებს, რომლებზეც დგას ჩვენი ქვეყნის განვითარება და მომავალი – ესენი არიან ბავშვები, პენსიონერები, მასწავლებები, ჯარისკაცები, სამართალდამცველები და ექიმები”, – განაცხადა გახარიამ.

დაგეგმილი ცვლილებები:

ყველა პენსიონერისთვის, 18 წლამდე ასაკის პირებისა და პირველი და მეორე ჯგუფის შშმ პირებისთვის პენსიის 20 ლარით გაზრდა;

პირველი ივლისიდან 70 წელს გადაცილებული პენსიონერებისთვის პენსიის დამატებით 30 ლარით გაზრდა (ანუ ჯამში 50 ლარი);

სრულ განაკვეთზე მყოფი მასწავლებლების ანაზღაურება 2020 წლის სასწავლო წლისთვის გაიზრდება 300 ლარით;

2020 წლის სასწავლო წლისთვის გაიზრდება საბავშვო ბაღების მასწავლებელთა ხელფასებიც, საშუალოდ, 100 ლარით;

ხელფასი გაეზრდებათ სამართალდამცავებს, ჯარისკაცებსა და მათთან გათანაბრებულ პირებს მინიმუმ 125 ლარით.

2020 წლის პირველი ივლისისთვის გაიზრდება სოფლის ექიმების ხელფასებიც 100 ლარით.

[sknews.ge]