დაბა ადიგენში ფიტნესის ტრენაჟორები დამონტაჟდება

მერიის მიერ გამოცხადებული ტენდერის მიხედვით, დაბაში 11 სხვადასხვა სახეობის ტრენაჟორი დამონტაჟდება: “ნიჩბოსანი“, „სხეულის ამზიდი“, „აზიდვა მკერდიდან“, „მიმზიდი მკერდიდან“, „აზიდვა ფეხებით“, „ტვისტერი“, „მუცლის კუნთებისთვის“, „წელის კუნთებისთვის“, „ელიფტური“ და „ორმხრივი ძელი“ .

მოეწყობა საჩრდილობელი ფანჩატურიც.

ტრენაჟორები 14 წელს ზემოთ პირებისთვის იქნება განკუთვნილი.

ტენდერში მონაწილეობის მსურველთათვის წინადადებების მიღება 28 სექტემბერს დაიწყება და 30 სექტემბერს 13:30 საათზე დასრულდება.

[თორნიკე ზაზაძე, ახალციხე]