ახალციხეში ორ ადგილზე ტრენაჟორები მონტაჟდება

ხელშეკრულება 38 609 ლარზე, ახალციხის მუნიციპალიტეტის მერიასა და „გეო–გრინს“ შორის 17 ივლისს გაფორმდა.

ტრენაჟორები 14 წელს ზემოთ პირებისთვის იქნება განკუთვნილი. 9 აპრილის ქუჩაზე უკვე მოწყობილია ფანჩატური. ახლა კი მიმდინარეობს ტრენაჟორების დამონტაჟება.

„ნიჩბოსანი“, „სხეულის ამზიდი“, „აზიდვა მკერდიდან“, „მიზიდვა მკერდისკენ“, „აზიდვა ფეხებით“, „ტვისტერი“, „მუცლის კუნთებისთვის“, „წელის კუნთებისთვის“, „ელიფსური“ და „ორმხრივი ძელი“ – ეს იმ ტრენაჟორების ჩამონათვალია, რომლებიც მონტაჟდება.

ტრენაჟორების გაკეთება იგეგმება თამარაშვილის ქუჩა #4-ის მიმდებარედ და ასპინძის ქუჩაზე არსებულ სპორტულ მოედანთან.





[თორნიკე ზაზაძე, ახალციხე]