სამცხე–ჯავახეთის რომელ სკოლას არ ჰყავს პირველკლასელი

2019 წლის 13 მაისის მდგომარეობით, ახალ სასწავლო წელს პირველკლასელი არ დარეგისტრირებულა ახალქალაქის ოთხ, ნინოწმინდის სამ, ბორჯომის ორ და ახალციხის ერთ სკოლაში.

ახალქალაქისა და ნინოწმინდის მუნიციპალიტეტის საგანმანათლებლო რესურსცენტრების ინფორმაციით, იმ დასახლებებში, რომელთა საჯარო სკოლებსაც წელს პირველკლასელები არ ეყოლებათ, მოსახლეობა ნაკლებია და შესაბამისი ასაკის ბავშვები არ არიან.

„მოსახლეობა ისედაც ცოტაა. ამიტომ სოფლებში, ფაქტობრივად, ბავშვები არ არიან“, – გვითხრა ახალქალაქის მუნიციპალიტეტის საგანმანათლებლო რესურსცენტრის დირექტორმა ტერეზა ჩივჩიანმა.

ამავე მიზეზს ასახელებს ნინოწმინდის მუნიციპალიტეტის საგანმანათლებლო რესურსცენტრის დირექტორი დათო ზედგინიძე: „ამ სოფლებში სკოლები მცირეკონტიგენტიანია, მოსახლეობაც არაა. შეიძლება, ამ ეტაპზე, არაა პირველკლასელი, მაგრამ შესაძლებელია პირველი კლასი ნებისმიერ მომენტში გაიხსნას, თუ სკოლაში განცხადება შევა“.

გთავაზობთ იმ სკოლების ჩამონათვალს, სადაც პირველკლასელები არ დარეგისტრირებულან:

1. სსიპ - ახალქალაქის მუნიციპალიტეტის სოფელ აფნიის საჯარო სკოლა
2. სსიპ - ახალქალაქის მუნიციპალიტეტის სოფელ ბალხოს საჯარო სკოლა
3. სსიპ - ახალქალაქის მუნიციპალიტეტის სოფელ თახჩის საჯარო სკოლა
4. სსიპ - ახალქალაქის მუნიციპალიტეტის სოფელ ჩუნჩხის საჯარო სკოლა

5. სსიპ - ახალციხის მუნიციპალიტეტის სოფელ თისელის საჯარო სკოლა

6. სსიპ - ბორჯომის მუნიციპალიტეტის სოფელ მოლითის საჯარო სკოლა
7. შპს ივანე ჯავახიშვილის სახელობის ბორჯომის კერძო ზოგადსაგანმანათლებლო სკოლა (კერძო)

8. სსიპ - ნინოწმინდის მუნიციპალიტეტის სოფელ ვლადიმიროვკის საჯარო სკოლა
9. სსიპ - ნინოწმინდის მუნიციპალიტეტის სოფელ სამების სკოლა
10. სსიპ - ნინოწმინდის მუნიციპალიტეტის სოფელ სპასოვკის №2 საჯარო სკოლა

[თორნიკე ზაზაძე, ახალციხე]