ანის სკოლის პედაგოგის საქმეზე არსებითი განხილვა დაიწყო

ახალციხის რაიონულ სასამართლოში სხდომა დღეს, ექვს სექტემბერს გაიმართა.

არსებითი განხილვის პირველ სხდომაზე, მოსარჩელე და მოპასუხე მხარეებმა ერთმანეთს კითხვები საქმის ირგვლივ დაუსვეს. რის შემდეგაც, სხდომა 12 სექტემბრამდე გადაიდო.

მომავალ სხდომაზე სკოლის თანამშრომლები დაიკითხებიან.

სოფელ ანის საჯარო სკოლის მასწავლებელს ანა კეღოშვილს, დირექტორის მოთხოვნით, დისციპლინურმა კომიტეტმა საყვედური 24 ივნისს გამოუცხადა.

მას სკოლის დირექცია სამასწავლებლოში ტელეფონით ფარულად ხმის ჩაწერას ედავება. ანი კეღოშვილი კი სასმართლოში, იმ სხდომის ოქმისა და ბრძანების გაუქმებას ითხოვს, რომლითაც მას საყვედური გამოუცხადეს, პირად საქმეში შეტანით.

გარდა ამისა, იურისტი ამბობს, რომ ბრძანებაში შეცდომა გაპარული და სრულყოფილი არ არის, რადგან, ბრძანება, მხოლოდ საყვედურის შესახებ უნდა იყოს, თუმცა ამ დოკუმენტის ერთ პუნქტში, ხელშეკრულების შეწყვეტის თაობაზე ცნობის შესახებ წერია.

[ლუბა გიორგაძე, ახალციხე]