ჭვინთასა და ელიაწმინდაში წისქვილები რეაბილიტირდება

სოფელ ჭვინთაში წისქვილის სარეაბილიტაციო სამუშაოებისთვის, სახელმწიფო ბიუჯეტიდან 12 000 ლარი გამოიყო, ხოლო ადგილობრივი ბიუჯეიტდან 5 200.

ელიაწმინდის წისქვილისთვის კი სახელმწიფო ბიუჯეტიდან 10 000 ლარი, ადგილობრივი თვითმმართველობიდან 6 700 ლარი განისაზღვრა.

ახალციხის მუნიციპალიტეტის მერიამ გამარტივებული შესყიდვით ხელშეკრულება ინდივიდუალურ მეწარმე, კობა კარკაძესთან გააფორმა.

წისქვილებისთვის, მთლიანობაში 22 000 ლარამდე სახელმწიფო ბიუჯეტიდან დაიხარჯება, ნაწილი კი ადგილობრივი თვითმმართველი ერთეულის ბიუჯეტიდან.

სოფელ ჭვინთასა და ელიაწმინდაში ძველ, ამორტიზებულ ხის წისქვილებს დაანგრევენ, მის ადგილზე კი ახალ შენობას ააშენებენ. წისქვილის შენობების კედლები რკინა–ბეტონის სეისმური სარტყელით შეიკვრება, მეტალოპლასტმასის კარ–ფანჯრა დამონტაჟდება და გადაიხურება. შენობებში ახალი საფქვავები დაიდგმება.

შესრულებიულ სამუშაოებს გარანტია ერთი წელი ექნება.

[თორნიკე ზაზაძე, ახალციხე]