ახალციხის ციხის უცნობი ნაწილი [ფოტო]

ახალციხის ციხის ზედა შესასვლელიდან მარჯვენა მხარეს, კომპლექსის ნანგრევებად ქცეული და მოუწესრიგებელი ნაწილია. აქ ციხის გალავანს გარეთ რამდენიმე მცირე გალავანი, კოშკი, გადასასვლელი ხიდი და ორი სხვადასხვა დანიშნულების შენობაა. ქვის შენობების სახურავი ჩანგრეულია და ყოველი წვიმის დროს კედლებიც ზიანდება.

კომპლექსის ამ ნაწილის რეაბილიტაცია მეორე ეტაპზე უნდა მომხდარიყო, თუმცა ციხის გახსნიდან, შვიდი წლის განმავლობაში აქ აღდგენითი სამუშაოები არ დაწყებულა.

ახალციხის მერიაში ამბობენ, რომ ციხის რეაბილიტაციის მეორე ეტაპი იგეგმება, მაგრამ როდის მოხდება ეს და რა თანხა დაიხარჯება, უცნობია.

ციხის ადმინისტრაციის განმარტებით კი, გალავანს მიღმა დარჩენილი ნაგებობების რეაბილიტაციაზე მოლაპარაკებები ახალციხის მერიასთან მიმდინარეობს. ამ ეტაპზე, დამატებით ინფორმაციას ციხის ადმინისტრაცია და მერია ვერ გვაწვდიან.

რაბათის კომპლექსის რეაბილიტირებული ნაწილი 2012 წლის 16 აგვისტოს ოფიციალურად გაიხსნა.

















[თორნიკე ზაზაძე, ახალციხე]