'ფუძეობა 2019' 3 აგვისტოს ბაკურიანში გაიმართება

რეგიონული ფესტივალისთვის ღონისძიებები 13:00 საათიდან დაიწყება და 22:00 საათზე ფოიერვერკით დასრულდება.

ფესტივალის ფარგლებში მოეწყობა ფაცხები – რეგიონის ექვსივე მუნიციპალიტეტიდან წარმოდგენილი იქნება სხვადასხვა კუთხისთვის დამახასიათებელი კულინარია, რეწვა, ცეკვა, სიმღერა და სხვა.

ფესტივალს დახურავს გალაკონცერტი, სადაც ლელა წურწუმია და ჯგუფი „NONSTOP” იმღერებენ.
ღონისძიებების განრიგი ასეთია:

13:00 სთ – ფაცხების მოწყობა;
14:00 სთ – სამეწარმეო მარკეტი;
15:00 სთ – ბერიკების შოუ, ქართული თამაშები,შემეცნებითი კუთხე, ფოტო გადაღება;
16:00 სთ – ფოლკლორის მოყვარულთა კონცერტი;
20:00 სთ – გალა კონცერტი;
22:00 სთ – ფოიერვერკი.

რეგიონული ფესტივალისთვის ბორჯომის მუნიციპალიტეტის მერია 31 294 ლარს დახარჯავს.
რეგიონალური ფოლკლორული ფესტივალი „ფუძეობა“, კომპანია GeoTourist-ის სოციალური პროექტია (სახალხო დღესასწაული), რომლის მიზანია საქართველოს რეგიონული კულტურის განვითარების ხელშეწყობა და მხარდაჭერა.

[ლუბა გიორგაძე, ბორჯომი]