სამცხე–ჯავახეთის ოთხ მუნიციპალიტეტში ამინდის პროგნოზს ვერ აკეთებენ

სამცხე–ჯავახეთს ოთხი მეტეოროლოგიური სადგური ემსახურება, მათგან თითო–თითო ახალქალაქსა და ახალციხეშია განთავსებული, ხოლო ორი ბორჯომის მუნიციპალიტეტში კერძოდ კი ლიკანსა და ბაკურიანში.

ახალი მეტეოროლოგიური სადგურებისა და საგუშაგოების განთავსება სამცხე–ჯავახეთის სამ მუნიციპალიტეტში (ადიგენი, ასპინძა, ახალქალაქი) 2021 წელს მწვანე ფონდის პროექტის ფარგლებშია დაგეგმილი. გარემოს ეროვნულ სააგენტოში აცხადებენ, რომ სადგურების განთავსება მანამდე იმიტომ ვერ ხერხდება, რომ საჭირო ტექნიკის შეძენა და დამონტაჟება საკმაოდ დიდ თანხებთანაა დაკავშირებული.

„ახალი პროექტის – „კლიმატის მწვანე ფონდის“ ფარგლებში დაგეგმილია საქართველოს მასშტაბით მონიტორინგის ქსელის გაფართოება, მომზადდება ამინიდის პროგნოზი ავტომატურ რეჟიმში, რომელიც განთავსდება გარემოს ეროვნული სააგენტოს ოფიციალურ ვებ–გვერდზე“, – გვითხრეს გარემოს ეროვნულ სააგენტოში.

გარემოს ეროვნული სააგენტო მონიტორინგის გაფართოებას გეგმავს მთელი საქართველოს მასშტაბით.

[თორნიკე ზაზაძე, ახალციხე]