მასწავლებლების კომპეტენციის დადასტურების გამოცდა ხუთ საგანში მიმდინარეობს

გამოცდაზე რეგისტრაცია დღეს, 17 ივლისს 08:00 საათზე, ხოლო გამოცდა 09:00 საათზე დაიწყო. სულ 454 რეგისტრირებული მასწავლებლიდან კომპეტენციის ასამაღლებელ გამოცდას 110 არ ესწრება.

მათემატიკაზე რეგისტრირებული 114 მასწავლებლიდან 79 გამოცხადდა.

ფიზიკის გამოცდაზე 64 რეგისტრირებული მასწავლებლიდან – 48,

ხოლო ქიმიის გამოცდას 54-დან 41 ესწრება.

სახვითი და გამოყენებითი ხელოვნების გამოცდას კი ახალციხის საგამოცდო ცენტრში 79 მასწავლებლიდან 65 აბარებს.

სპორტზე კი 143 რეგისტრირებულიდან – 111.

მასწავლებელთა კომპეტენციის დასადასტურებელი გამოცდები 10 ივლისს დაიწყო და 21-ში დასრულდება. დარჩენილი გამოცდების განრიგი კი ასეთია:

19 ივლისი:

ბიოლოგია;
ინგლისური ენა - წერითი ნაწილი;
რუსული ენა - წერითი ნაწილი;
გერმანული ენა - წერითი ნაწილი;
ფრანგული ენა - წერითი ნაწილი;
ქართული, როგორც მეორე ენა - წერითი ნაწილი;
ინფორმაციული და საკომუნიკაციო ტექნოლოგიები - წერითი ნაწილი.

20 ივლისი:

ინგლისური ენა - პრაქტიკული ნაწილი;
რუსული ენა - პრაქტიკული ნაწილი;
გერმანული ენა - პრაქტიკული ნაწილი;
ფრანგული ენა - პრაქტიკული ნაწილი;
ქართული, როგორც მეორე ენა - პრაქტიკული ნაწილი.

21 ივლისი - ინფორმაციული და საკომუნიკაციო ტექნოლოგიები - პრაქტიკული ნაწილი.

[ავთო ინასარიძე, ახალციხე]