პედაგოგების სასერტიფიკაციო გამოცდები დასრულდა

ახალციხის საგამოცდო ცენტრში პედაგოგები სასერთიფიკაციო გამოცდის ბოლო სესიაზე, დილის 8:00 საათზე დარეგისტრირდნენ. სიის მიხედვით გამოცდაზე 332 მასწავლებელი უნდა გამოცხადებულიყო, თუმცა საგამოცდო პროცესს 96 მათგანი არ დასწრებია.

დღეს პედაგოგებმა გამოცდები ფიზიკაში, ბიოლოგიაში, ქიმიაში, გეოგრაფიაში, ისტორიასა და სამოქალაქო განათლებაში ჩააბარეს.

მასწავლებლის სასერთიფიკაციო გამოცდები 8 ივლისს დაიწყო და 6 დღის განმავლობაში მიმდინარეობდა. სულ რამდენი პედაგოგი იღებდა მონაწილეობას და რამდენი არ გამოცხადდა გამოცდაზე, გამოცდების ეროვნულ ცენტრში გვითხრეს, რომ პასუხი ხვალ ეცოდინებათ.

შეგახსენებთ, წელს გამოცდების ჩაბარება სპორტისა და მუსიკის პედაგოგებსაც შეეძლოთ.

სასერტიფიტაციო გამოცდების განრიგი ასეთი იყო:

8 ივლისი:
ინგლისური ენა – წერითი ნაწილი;
რუსული ენა – წერითი ნაწილი;
გერმანული ენა – წერითი ნაწილი;
ფრანგული ენა – წერითი ნაწილი;
ქართული, როგორც მეორე ენა – წერითი ნაწილი;
ინფორმაციული და საკომუნიკაციო ტექნოლოგიები – წერითი ნაწილი;
სახვითი და გამოყენებითი ხელოვნება;
სპორტი;
მუსიკა.

9 ივლისი:
ინგლისური ენა – პრაქტიკული ნაწილი;
რუსული ენა – პრაქტიკული ნაწილი;
გერმანული ენა – პრაქტიკული ნაწილი;
ფრანგული ენა – პრაქტიკული ნაწილი;
ქართული, როგორც მეორე ენა – პრაქტიკული ნაწილი.

10 ივლისი:
ინფორმაციული და საკომუნიკაციო ტექნოლოგიები – პრაქტიკული ნაწილი.

11 ივლისი:
ქართული ენა და ლიტერატურა, მათემატიკა და ბუნებისმეტყველება (I-IV);
ქართული ენა და ლიტერატურა (I-VI);
ბუნებისმეტყველება (I-VI).

12 ივლისი:
ქართული ენა და ლიტერატურა (VII-XII);
მათემატიკა (I-VI);
მათემატიკა (VII-XII).

13 ივლისი:
ფიზიკა;
ბიოლოგია;
ქიმია;
გეოგრაფია;
ისტორია;
სამოქალაქო განათლება.

[ლუბა გიორგაძე, ახალციხე]