ახალქალაქში 22 წლის ახალგაზრდა ჩამომხრჩვალი იპოვეს

ორ დღიანი ძებნის შემდეგ, ახალაგაზრდა კაცის გვამი დღეს, 14 ივლისს, ახლქალაქის მახლობლად ნახეს. ინფორმაციას ამის შესახებ, საინფორმაციო სააგენტო jnews.ge ავრცელებს.

როგორც სოფელ კუმურდოს რწმუნებული არტურ კურგინიანი ამბობს, 22 წლის კაცი ორი დღის წინ გაუჩინარდა და ეძებდნენ.

ადგილზე მუშაობენ სამართალდამცველები. საქმეზე ძიება სისხლის სამართლის კოდექსის 115–ე მუხლით მიმდინარეობს, რაც თვითმკვლელობამდე მიყვანას გულისხმობს.

Jnews.ge ინფორმაციით, თვითმკვლელობის შესაძლო მიზეზებზე კონკრეტულად ვერავინ საუბრობს, თუმცა ახალგაზრდები, რომლებიც გარდაცვლილს იცნობდნენ, ამბობენ, რომ ცოტა ხნის წინ, მან კაზინოში დიდი თანხა წააგო.

[თაკო ფეიქრიშვილი, ახალქალაქი]