პირველი ოქტომბრიდან განახლებული 10 ლარის ნომინალის ბანკნოტები გამოვა

განახლებული 10-ლარიანი ბანკნოტის წინა მხარეს გამოსახულია აკაკი წერეთლის პორტრეტი, ნაწყვეტი მისივე ლექსიდან „გაზაფხული“, ავტოგრაფი, აყვავებული რტო და მერცხალი. უკანა მხარეს კი დავით კაკაბაძის „იმერეთი–დედაჩემია“ გამოსახული, საქართველოს სახელმწიფო გერბთან ერთად.

საქართველოს ეროვნული ბანკის 20 წლის იუბილესთან დაკავშირებით, დაიწყო ეროვნული ვალუტის განახლება. 2016 წელს გამოვიდა 20, 50 და 100 ლარის ნომინალის ბანკნოტები. 2017 წელს 5 ლარის ნომინალის ბანკნოტები ჩაეშვა მიმოქცევაში, ხოლო 2019 წელს 10 ლარის ნომინალის ბანკნოტის გამოცემით დასრულდება ეროვნული ვალუტის განახლების პროცესი.



[თორნიკე ზაზაძე, ახალციხე]