განახლებულმა ლარმა საერთაშორისო ჯილდო მოიპოვა

ეროვნული ბანკის ინფორმაციით, ბუქარესტში HSP Europe™- ის კონფერენციაზე ორგანიზებულ დაჯილდოების ცერემონიაზე, ევროპისა და დსთ–ს ქვეყნების მასშტაბით საუკეთესო რეგიონალური ბანკნოტის ნომინაციაში "2016 წლის საუკეთესო რეგიონალური ბანკნოტი" ლარის განახლებული ბანკნოტების სერიამ გაიმარჯვა.

"2016 წლის საუკეთესო რეგიონალური ბანკნოტის" ნომინაციაზე წარდგენილი იყო: ახალი 20 ევრო - ევროპის ცენტრალური ბანკი;
შვედური კრონის ახალი სერია - შვედეთის ცენტრალური ბანკი;
ახალი 20 000 ფორინტი - უნგრეთის ცენტრალური ბანკი;
ახალი 200 შეკელი - ისრაელის ცენტრალური ბანკი;
20 000 ტენგე - ყაზახეთი ცენტრალური ბანკი;
500 გრივნა - უკრაინის ცენტრალური ბანკი;
100 რუბლი საიუბილეო ბანკნოტი - რუსეთის ცენტრაული ბანკი;
ბანკნოტების სერია - ბელორუსიის ცენტრალური ბანკი;

ჯილდო ასევე გადაეცა ყაზახეთის ეროვნული ბანკის მიერ გამოშვებულ ახალ საიუბილეო ბანკნოტს 20 000 ტენგეს.

როგორც ეროვნულ ბანკში განმარტავენ, ნომინაციისთვის წარდგენილი ფულის ნიშნების შეფასება ხდება მათი დიზაინის, ტექნიკური დახვეწილობის, გამართულობისა და დაცულობის კუთხით არსებული თანამედროვე მიღწევების გათვალისწინებით.

გასულ წელს HSP Europe™ - ის კონფერენციაზე, რომელიც უნგრეთის დედაქალაქ ბუდაპეშტში ჩატარდა, 2015 წლის საუკეთესო რეგიონალურ ბანკნოტად პოლონური ზლოტი დასახელდა.

[sknews.ge]