ადიგენის ცხრა სოფელში ამბულატორია მოეწყობა

საკრებულოს სხდომა ადიგენში დღეს, 25 ივნისს ჩატარდა.

„წელს ბოლაჯურის, ლელოვნის, ჭეჭლის, მოხის, არლის, უდისა და ვარხნის ამბულატორიებს რეაბილიტაცია ჩაუტარდება, დიდ სმადასა და მლაშეში კი აშენდება. პირველად სამედიცინო დახმარებაზე ხელმიუწვდომლობა მწვავე პრობლემა იყო. მომავალ წელს სხვა სოფლებშიც განვიხილავთ“, - გვითხრა ადიგენის საკრებულოს თავმჯდომარემ იმედა მღებრიშვილმა.

მისივე თქმით, 208 000 ლარი რეაბილიტაციისთვის, 75-75 ათასი კი ახალი ამბულატორიების მშენებლობისთვის არის გათვალისწინებული. აღნიშნულ სამუშაოებს რეგიონული განვითარების ფონდი დააფინანსებს.

[ავთო ინასარიძე, ადიგენი]