NDI: სომხურ დასახლებებში, უმრავლესობა ‘საბჭოთა კავშირის’ დაშლას უარყოფითად აფასებს

კითხვაზე, „ზოგადად თქვენი აზრით, საბჭოთა კავშირის დაშლა საქართველოსთვის კარგი მოვლენა იყო თუ ცუდი“, სომხურ დასახლებებში მცხოვრებლების 65%-მა „ცუდ მოვლენად“ შეაფასა, 15%-მა „კარგ მოვლენად“ 19%-მა კი „არ იცის“.

„საბჭოთა კავშირის’ დაშლის შესახებ კითხვაზე განსხვავებული პასუხებია საქართველოს სხვა დასახლებებში. მაგალითად, თბილისში გამოკითხულთა 29%-სთვის „საბჭოთა კავშირის“ დაშლა ცუდი ფაქტია, ხოლო 58%-სთვის მისაღები.

კვლევაში მოცემულია, აზერბაიჯანულ დასახლებებში, სოფლად, პატარა და დიდ ქალაქებში მცხოვრებლების განწყობებიც.

NDI–ის კვლევა, სახელწოდებით „საზოგადოების განწყობა საქართველოში“ 28 მარტიდან - 15 აპრილის ჩათვლით მიმდინარეობდა.

სომხური და აზერბაიჯანული დასახლებები მოიცავს იმ დასახლებებს, სადაც სომეხი და აზერბაიჯანელი ეთნიკური უმცირესობების ხვედრითი წილი 40%-ზე მეტია.

ეს დასახლებები მდებარეობს ქვემო ქართლში, სამცხე-ჯავახეთსა და კახეთში.



[sknews.ge]