ადიგენის მუნიციპალიტეტში 'მოყვარულთა თასი 2019'-ის გათამაშება დაიწყო [R]

ერთმანეთს დაუპირისპირდა:

წახანი 2-0 წრე;
ვარხანი 0-4 უდე;
ფხერო 5-0 ბენარა [პენალტების სერიაში];
არალი 0-3 ხევაშენი.

ტურნირის გახსნას ადიგენის მუნიციპალიტეტის მერი ზაქარია ენდელაძე და საკრებულოს თავმჯდომარე იმედა მღებრიშვილი დაესწრნენ. ღონისძიების ორგანიზატორია ადიგენის მუნიციპალიტეტის მერიის კულტურის სამსახური.

ჩემპიონატი მუნიციპალური (შესარჩევი) ეტაპით დაიწყო და გუნდი, რომელიც შესარჩევ ეტაპს დაძლევს, ასპარეზობას რეგიონალურ ლიგაში გააგრძელებს.

შემდეგი შეხვედრები დღეს, 10 მაისს ადიგენის ცენტრალურ სტადიონზე გაიმართება, ერთმანეთს დაუპირისპირდებიან გორგული -ჭელას, ლელოვანი - ადიგენის, მლაშე - აბასთუმნის, ჩორჩანი - ბოლაჯურის გუნდები.

მოყვარულთა თასის გათამაშება იმართება მთელი ქვეყნის მასშტაბით, „საქართველოს სამოყვარულო ფეხბურთის ასოციაცია Gafa“-ს, „Georgian Football Federation“–ისა და „ქართული ფეხბურთის განვითარების ფონდის“ მხარდაჭერით.

„მოყვარულთა თასი 2019“-ის გამარჯვებული გუნდის ბაზაზე დაკომპლექტებული სამოყვარულო საფეხბურთო გუნდი, 2020 წელს მონაწილეობას „UEFA REGIONS' CUP“-ზე მიიღებს.

ადიგენის მუნიციპალიტეტის მერია წარმატებულ და ჯანსაღ საფეხბურთო სეზონს გისურვებთ თითოეულ გუნდს!