ბორჯომში პარკის კონცეფციის კონკურსზე ექვსი განაცხადი შევიდა

განაცხადების მიღების ბოლო ვადა 15 მარტი იყო. მერიაში, როგორც გუნდური, ისე ინდივიდუალური ნამუშევრები შევიდა.

კონკურსის შემდეგი ეტაპი უკვე ნამუშევრების განხილვა იქნება. განაცხადებს სპეციალური კომისია შეისწავლის და პირველ სამ ადგილზე გასულ ავტორებს გამოავლენს.

გამარჯვებული ავტორისათვის დაწესებულია ერთჯერადი ფულადი ჯილდო 5 000 ლარის ოდენობით, 3 000 და 2 000 ლარი გადაეცემათ მეორე და მესამე ადგილზე გასულ კონკურსანტებს.

ბორჯომის ცენტრალური პარკის განვითრების კონცეფციის შემუშავებაზე კონკურსი ბორჯომის მერიამ 15 თებერვალს გამოაცხდა. ბორჯომის მერის თქმით, კონკურსის მიზანს, კონცეფციის შემუშავებაში საზოგადოების ჩართულობა წარმოადგენს.

[ლუბა გიორგაძე, ახალციხე]