ნინოწმინდაში ადგილობრივის სახლში შეიჭრნენ და ქონება დააზიანეს

შემთხვევა ქალაქ ნინოწმინდაში, ისააკოვის ქუჩაზე, 16 მარტს, ღამით მოხდა, ადგილობრივებმა კი 17 მარტს შეიტყვეს.

ნინოწმინდის რადიო "ნორის" ინფორმაციით, თავდამსხმელებმა საცხოვრებელ სახლში მთლიანი ქონება, ტექნიკა და ავეჯი დააზიანეს.
მათივე თქმით, სახლში არავინ ცხოვრობს, თუმცა ბინა გარემონტებულია და ახალი ტექნიკით აღჭურვილი.

შსს–ს ინფორმაციით, ბინიდან არაფერია წაღებული. საქმეზე დაწყებულია გამოძიება სისხლის სამართლის კოდექსის 19–177–ე მუხლით, რაც ქურდობის მცდელობას გულისხმობს.

[sknews.ge]