ახალციხელი სამბოისტი საუდის არაბეთში ჭიდაობის ფესტივალში მიიღებს მონაწილეობას

ბერძენიშვილთან ერთად საუდის არაბეთში საქართველოდან კიდევ ორი სპორტსმენი მიდის. სხვადასხვა ქვეყნის სპორტსმენებთან შერკინება რვა მარტიდან დაიწყება, თუმცა რომელ დღეს ჩაერთვებიან საქართველოდან ჩასული მოჭიდავეები ჯერ ცნობილი არ არის.

საუდის არაბეთის შემდეგ ბექა ბერძენიშვილი მოსკოვში მსოფლიო თასის მოპოვებისთვის იბრძოლებს, ზაფხულში კი ევროპის ოლიმბიადაზე გაემგზავრება.

28 წლის სპორტსმენი ახალციხიდან სოფელ წინუბნიდან არის. იგი 16 წლიდან ვარჯიშობს და არაერთი ოქროს მედალი აქვს მიღებული. არის საქართველოს შვიდგზის ჩემპიონი სამბოში. გასული წლის დეკემბერში 2018 წლის საქართველოს ფალავანის ტიტული მოიპოვა. ბერძენიშვილი მსოფლიოს ვიცე ჩემპიონიცაა.

2019 წლის 24 თებერვალს კი ქალაქ მინსკში გამართულ ბელორუსიის საერთაშორისო ტურნირზე, პირველივე დღეს,მან წარმატებით იასპარეზა და ოქროს მედალი მიიღო.

[თინათინ ზაზაძე, ახალციხე]