ბაკურიანში ავარიისას დაშავებული 30 წლის ქალი გარდაიცვალა

„უმძიმესი პაციენტი იყო, სტაციონარში შემოყვანის წუთიდან ბოლომდე მისი მდგომარეობა კრიტიკული იყო“, – გვითხრეს "გორიმედის" ცენტრალურ საავადმყოფოში.

შეგახსენებთ, რომ შვიდ თებერვალს, ბაკურიანში „მიცუბიშის“ მარკის მანქანა ქვეითად მოსიარულე ორ ქალს, ცხრა აპრილის ქუჩაზე დაეჯახა. მეორე დაშავებული მკურნალობას თბილისის ტრავმატოლოგიურ კლინიკაში გადის. მომხდარზე მიმდინარეობს ძიება.

[თინათინ ზაზაძე, ბორჯომი]