დიღომში მომხდარი აფეთქების შედეგად დაშავებული 6 ბავშვიდან კლინიკაში 1 რჩება, დანარჩენები გაწერეს

ფოტო: On.ge
თბილისში, დიდი დიღმის დასახლებაში, ავთანდილის ქუჩაზე მდებარე საცხოვრებელი კორპუსის ერთ-ერთ ბინაში აფეთქება გუშინ, 16 იანვარს, საღამოს მოხდა. შემთხვევის შედაგად დაიღუპა ოთხი ადამიანი, მათ შორის ერთი ოთხი წლის ბავშვია.

წინასწარი ინფორმაციით, აფეთქება ბუნებრივი გაზის გაჟონვამ გამოიწვია. პოლიციამ გამოძიება დაიწყო სისხლის სამართლის კოდექსის მუხლით, რომელიც ეხება მშენებლობის ან ექსპლუატაციის დროს უსაფრთხოების წესების დარღვევას, რასაც ორი ან მეტი ადამიანის სიცოცხლის მოსპობა მოჰყვა.

გუშინ მომხდარი უბედური შემთხვევის შემდეგ, სასტუმროებში მოთავსებულია 27 დაზარალებული ადამიანი.

მომხდარის გამო, პრემიერ-მინისტრ მამუკა ბახტაძის გადაწყვეტილებით, 17 იანვარი გლოვის დღედ გამოცხადაა. გლოვის დღესთან დაკავშირებით, საქართველოს ტერიტორიაზე ყველა ადმინისტრაციულ შენობაზე და საზღვარგარეთ საქართველოს დიპლომატიურ წარმომადგენლობებზე სახელმწიფო დროშები დაეშვა.

აფეთქებასთან დაკავშირებით გამგეობის საუბნო განყოფილების ცხელი ხაზი ამოქმედდა, რომელიც 24-საათიან რეჟიმში იმუშავებს. ნებისმიერი დახმარების საჭიროების შემთხვევაში, მოქალაქეებს შეუძლიათ დარეკონ ნომერზე: 032 2 37 45 31, დიდი დიღომი, იოანე პეტრიწის N10. ცხელ ხაზზე ასევე, მომხდართან დაკავშირებით სრული ინფორმაციის მიღებაა შესაძლებელი.

[sknews.ge]