2018 წელს სამცხე–ჯავახეთში უკანონო თევზჭერის 22 ფაქტი გამოვლინდა

მთავარი → სიახლე, სამართალი 18.12.2018

გარემოსდაცვითი ზედამხედველობის დეპარტამენტის თანამშრომლებმა, 2018 წლის განმავლობაში, 336 უკანონო თევზჭერის ფაქტი გამოავლინეს. მათ შორის, სისხლის სამართლის დანაშაულის ნიშნებს 145 ფაქტი შეიცავდა.

2018 წელს სამცხე–ჯავახეთში უკანონო თევზჭერის 22 ფაქტი გამოვლინდა

უკანონო თევზჭერის ყველაზე მეტი 66 ფაქტი, აღმოსავლეთის რეგიონული სამმართველოს სამოქმედო ტერიტორიაზე გამოვლინდა; ქვემო ქართლის რეგიონული სამმართველოს მასშტაბით 57 ფაქტი დაფიქსირდა, ხოლო დასავლეთის რეგიონული სამმართველოს თანამშრომლებმა 50 ფაქტი აღკვეთეს.
კახეთის რეგიონული სამმართველოს მასშტაბით – 42, სამეგრელო ზემო-სვანეთის რეგიონული სამმართველოს სამოქმედო ტერიტორიაზე - 39, სამცხე-ჯავახეთის რეგიონული სამმართველოს მასშტაბით - 22, აჭარასა და გურიაში კი 29 ფაქტი გამოავლინეს. ასევე, შავი ზღვის დაცვის კონვენციური სამმართველოს თანამშრომლებმა - 12 ფაქტი, ხოლო თბილისში - 19 ფაქტი დაფიქსირეს.

გარემოსდაცვითი ზედამხედველობის დეპარტამენტის თანამშრომლები აგრძელებენ პრევენციულ ღონისძიებებს, მთელი ქვეყნის მასშტაბით.

[sknews.ge]