ახალციხის პირველ საბავშვო ბაღში სახანძრო გამოიძახეს

დღეს, 6 დეკემბერს, პირველ საბავშვო ბაღში მისულ თანამშრომლებს საკვამურში ძლიერი კვამლი დახვდათ, ამიტომ მათ სახანძრო–სამაშველო ბრიგადა გამოიძახეს. "საკვამური სავსე იყო ჭვარტლით, ამიტომ მეხანძრეებმა წყალი აიტანეს და გაასუფთავეს", – აღნიშნავენ სახანძრო–სამაშველო სამსახურში.

შენობის შიგნით დაკვამლიანება არ არის, ამიტომ საბავშვო ბაღში სასწავლო პროცესი არ შეჩერებულა.

[ლუბა გიორგაძე, ახალციხე]