გრიგოლ ვაშაძე: ‘წინ გვაქვს მეორე ტური, რომელსაც აუცილებლად მოვიგებთ’

„გილოცავთ ყველა ჩვენს მხარდამჭერს, საქართველოს ყველა მოქალაქეს, ღირსების არჩევნები შედგა და მიუხედავად ტონობით ფულისა, რომელიც დახარჯა ე.წ. ხელისუფლებამ, მიუხედავად გაყალბებისა, მცდელობებისა, რომ თავისი კანდიდატისთვის დაეწერათ გამარჯვება, ეს არ გამოუვიდათ. ჩვენ პარალელურად ვითვლით ოქმებს და ამაზე ვისაუბრებთ“, – განაცხადა გრიგოლ ვაშაძემ ჟურნალისტებთან შეხვედრისას.

იგი დარწმუნებულია, რომ მეურე ტურში გამარჯვებას მოიპოვებს: „მე მაქვს თხოვნა, არავითარი ეიფორია, არავითარი ზეიმი, ჩვენ წინ გვაქვს მეორე ტური, რომელსაც აუცილებლად მოვიგებთ და საქართველოში დაიწყება ხელისუფლების ცვლა. ეს უკვე გარდაუვალია. ღირსების არჩევნებში საქართველოს მოქალაქემ თავისი პოზიცია გამოხატა. პირობას გაძლევთ, რომ ისევე ვიმუშავებთ მტკიცედ, როგორც ვმუშაობდით აქამდე“.

შეგახსენებთ, რომ 14:00 საათის მონაცემებით, დათვლილია საარჩევნო უბნების 99.97%. წინასწარი შედეგების მიხედვით, კანდიდატების შედეგები ასე გადანაწილდა:

სალომე ზურაბიშვილი – 38.64% (615 610 ხმა);
გრიგოლ ვაშაძე- 37.74% (601 186 ხმა);
დავით ბაქრაძე – 10.97% (174 707 ხმა);

[sknews.ge]