საპრეზიდენტო არჩევნების მეორე ტური 2 დეკემბრამდე ჩატარდება

„წინასწარი შედეგების გათვალისწინებით, შესაძლებელია ითქვას, რომ ჩვენ დიდი ალბათობით გვაქვს მეორე ტური. მეორე ტურის გამართვას აქვს თავისი პროცედურები. იმ შემთხვევაში, თუ საარჩევნო დავების განხილვა მაქსიმალური ვადით გაგრძელდა, ეს არის არჩევნების ჩატარებიდან 20 დღე. შედეგები 20 დღეში უნდა გამოქვეყნდეს. საბოლოო შემაჯამებელი ოქმის გამოქვეყნებიდან, ანუ 20 დღის შემდგომ ორ კვირის ვადაში უნდა ჩატარდეს არჩევნების მეორე ტური, რაც გახლავთ ამავდროულად კვირა დღე და უკიდურესი ვადა შესაძლებელია იყოს ორი დეკემბერი“, - განაცხადა თამარ ჟვანიამ.

29 ოქტომბრის დილის 12:00 საათის მონაცემებით, დათვლილია საარჩევნო უბნების 99.97%. წინასწარი შედეგების მიხედვით, კანდიდატების შედეგები ასე გადანაწილდა:

სალომე ზურაბიშვილი – 38.64% (615 574 ხმა);
გრიგოლ ვაშაძე- 37.74% (601 186 ხმა);
დავით ბაქრაძე – 10.97% (174 707 ხმა);

[sknews.ge]