ზურაბიშვილის მხარდამჭერები უბნებთან მისი ‘სააგიტაციო ჟილეტებით’ [Photo]

ადიგენში N1 და N12 უდის, N11 მოხეს, ახალციხეში N1 და N33 ვალის, ბორჯომში N8 ლიკანის და N21 კორტანეთის საარჩევნო უბნებთან ზურაბიშვილის მხარდამჭერები ისეთი ჟილეტებით მოძრაობენ, რომლებსაც მისი საარჩევნო ნომერი, ასევე „ქართული ოცნების“ ლოგო აქვთ.

"ზურაბიშვილის ვუჭერთ მხარს", – გვითხრა ერთ–ერთმა მათგანმა დაბა ადიგენში პირველ უბანთან.

უდესა და ვალეში საუბნო კომისიის წევრებმა მათ ვინც ასეთი ჟილეტებით მოძრაობენ, სთხოვეს, რომ საარჩევნო უბნის მიმდებარე ტერიტორია დატოვონ.

რაც შეეხება ბორჯომს, აქ სააგიტაციო მასალით ორი პირი უბანზე შევიდა, თუმცა, აქაც კომისიის თავმჯდომარის მითითებით უბანი დატოვეს და ისინი ამ დრომდე ეზოში რჩებიან.


















[sknews.ge]