ივანიშვილი: მინდა დავიწყო ექსპერიმენტი, რომ აბასთუმანი გახდეს ელექტრომანქანების რეგიონი

"მოვახერხებ, რომ წელსვე პრეცედენტი შეიქმნას და აბასთუმანში იმოძრავებენ მხოლოდ ელექტრომანქანები", - აღნიშნა ივანიშვილმა ჟურნალისტებთან ინტერვიუს დროს.

მისივე თქმით, აბასთუმანში 800 ოჯახი ცხოვრობს და ზოგს უყიდის ელექტრომანქანას, ხოლო ზოგს სხვა მხრივ დაეხმარება. როგორც ივანიშვილი განმარტავს, სწორად განვითარების შემთხვევაში ათი წლის შემდეგ საქართველო შეიძლება, გახდეს პირველი ქვეყანა, სადაც მხოლოდ ელექტროავტომობილები იმოძრავებენ.

მიმდინარე წლის აგვისტოში ბიძინა ივანიშვილი აბასთუმანში ოჯახთან ერთად იყო.

ქვეყანაში ელექტრომანქანების შემოყვანაზე მწვანე პოლიტიკის პრეზენტაციის დროს ისაუბრა პრემიერ-მინისტრმა მამუკა ბახტაძემ. მისი თქმით, მომავალი ათი წლის განმავლობაში ქვეყანაში მოქმედი ავტოპარკი 90 % ელექტრომობილებით შეიცვლება.

სამთავრობო გეგმის თანახმად, საქართველოში ელექტრომობილების შემოყვანა დაიწყება, ერთი წლის განმავლობაში კი 2 000-ზე მეტი ელექტრომობილი შემოვა ე.წ. Car Sharing-ის, ანუ საზიარო ავტომობილების პრინციპით.

[sknews.ge]